မက္ကဆီကိုကလပ်ကို အနိုင်ယူပြီး ဗိုလ်လုပွဲ တက်ရောက်နိုင်ခဲ့သည့် ချဲလ်ဆီး # မွန်တာရေး ၁-၃ ချဲလ်ဆီး

ဂျပန်နိုင်ငံတွင် ကျင်းပသော ကမ္ဘာ့ကလပ်များ ချန်ပီယံပြိုင်ပွဲ၏ အကြိုဗိုလ်လုပွဲ စဉ် အဖြစ် ကွန်ကာကပ်ဇ် ချန်ပီယံ ဖြစ်သည့် မက္ကဆီကို ကလပ် မွန်တာရေး နှင့် ဥရောပချန်ပီယံ ချဲလ်ဆီး အသင်းတို့ ယှဉ်ပြိုင် ကစားခဲ့ကြသည်။ ချဲလ်ဆီး အသင်းသည် မန်နေဂျာ ဘင်နီတက်ဇ်၏ လက်ထက်တွင် ပုံမှန် ခြေစွမ်း ရလာခဲ့သည်ကို ယခုပွဲတွင်လည်း ဆက်လက် သယ်ယူလာနိုင်ခဲ့ပြီး ၃ဂိုး တစ်ဂိုးဖြင့် အနိုင်ရရှိခဲ့ကာ ဗိုလ်လုပွဲသို့ တက်ရောက်နိုင်ခဲ့သည်။ ချဲလ်ဆီး အတွက် ဂိုးများကို တောရက်စ်နှင့် မာတာ တို့က သွင်းယူခဲ့ပြီး ကျန်တစ်ဂိုးကိုတော့ မွန်တာရေး ခံစစ်လူ ကိုယ့်ဂိုးကိုယ် သွင်းယူမိခဲ့ခြင်း ဖြစ်သည်။ မွန်တာရေးအတွက် နှစ်သိမ့်ချေပဂိုး ကို တိုက်စစ်မှုး နီဂရစ်က ပွဲချိန် အပိုဆောင်းမိနစ်တွင် သွင်းယူခဲ့သည်။

ချဲလ်ဆီး အသင်းသည် ယနေ့ပွဲတွင် လူစာရင်း အပြည့်အစုံ ဖြင့် ပွဲထွက်သွားခဲ့ပြီး တောင့်တင်းသည့် အသင်းဖြင့် မက္ကဆီကို ကလပ်အား ယှဉ်ပြိုင် ခဲ့သည်။ ချဲလ်ဆီးတွင် တိုက်စစ်မှုး တောရက်စ် ကို အထောင် ထားခဲ့ပြီး မာတာ၊ ဟာဇတ်၊ မီကေးလ်၊ အော်စကာ တို့၏ ကွင်းလယ်ဖြင့် ထောက်ပံ့စေခဲ့ပြီး နောက်ခံလူ လူးဝစ်ကို ကွင်းလယ်ခံစစ်တွင် ကစားစေခဲ့သည်။ ခံစစ် ကစားသမား အဖြစ် အက်ပီလီကျူတာ၊ လူးဝစ်၊ အိုင်ဗန်နိုဗစ်၊ ကိုးလ်၊ ကာဟေးလ် တို့ကို အသုံးပြုခဲ့ပြီး ဂိုးသမား ပီတာဆက်ခ်ျ ကို အသင်းခေါင်းဆောင် အဖြစ် ပွဲထွက်စေခဲ့သည်။

ယနေ့ပွဲတွင် နှစ်သင်းလုံး ကစားအား ညီခဲ့ပြီး ကွင်းလယ်တွဲလုံး များဖြင့် ပွဲကို ဖြည်းဖြည်းမှန်မှန် ကစားသွားနိုင် ခဲ့သည်။ မက္ကဆီကို ကလပ်၏ ပထမပိုင်း တိုက်စစ် တွဲလုံးများက ချဲလ်ဆီး ခံစစ်ကို ဖိအား များစေခဲ့ပြီး အနိမ့်ဘောဖန်တီးမှုများ ဖြင့် တောင်ပံသို့ ဘောလုံးချဲထုတ်ကာ ဂိုးဧရိယာ အတွင်း ဖြတ်တင်ပေးပို့ပြီး ဂိုးရယူရန် ကြိုးစားခဲ့သည်။ ဥရောပချန်ပီယံ အဖြစ် ကိုယ်စားပြု ကစားခဲ့သည့် ချဲလ်ဆီး အသင်းကတော့ ပွဲကို ထိန်းချုပ်ရန် ကြိုးစားခဲ့ပြီး ဘောလုံးရရှိသည့် အချိန်တိုင်း တိုက်စစ်ကို အလျင်အမြန် ပြောင်းလဲ၍ တိုက်ရိုက်တိုက်စစ်ဆင်သည့် ပုံစံကို ပုံဖော် လာခဲ့ကာ အခွင့်အရေးများကို အသုံးချနိုင်ခဲ့သည်။ ပွဲအစပိုင်း (၅) မိနစ်တွင်ပင် ချဲလ်ဆီး အသင်း ဦးဆောင်ဂိုး ရယူနိုင်ရန် အခွင့်အရေး ပေါ်ပေါက်ခဲ့ပေမယ့် ဟာဇတ် ဂိုးသမားနှင့် တစ်ဦးခြင်းအတွေ့ ကန်သွင်းခဲ့ရာတွင် ဂိုးပေါက် လွဲချော် ခဲ့သဖြင့် ဂိုးစောစောရမည့် အခွင့်အရေး လက်လွှတ်ခဲ့ရသည်။

ချဲလ်ဆီး အတွက် ဦးဆောင်ဂိုးကို ပွဲချိန် (၁၇) မိနစ်တွင် သွင်းယူနိုင် ခဲ့ပြီး မွန်တာရေး အသင်းအား ဖိအားဝင်စေခဲ့သည်။ တန်ပြန် တိုက်စစ်ဆင်ချိန် အော်စကာ၊ ကိုးလ်တို့၏ တွဲလုံးမှတဆင့် အင်္ဂလန် နောက်ခံလူ၏ ဖန်တီးမှုကို ဂိုးဧရိယာ ထဲတွင် ရှိနေသော မာတာက အပိုင် ကန်သွင်းယူခဲ့ခြင်း ဖြစ်သည်။ ထို့နောက်ပိုင်းတွင် မွန်တာရေး အသင်းသည် ၎င်းတို့၏ အပေးအယူ ညက်ညောမှုဖြင့် ချဲလ်ဆီး ကွင်းလယ်ကို စိုးမိုး ကစားနိုင် ခဲ့ပြီး ချေပဂိုး ရယူရန် အခွင့်အရေးများ ဖန်တီးခဲ့သည်။ သို့သော်လည်း ဖြတ်တင်မှုပြုလုပ်တိုင်း အထောင် တိုက်စစ်မှုး ဖြစ်သည့် နီဂရစ် ချဲလ်ဆီး နောက်ခံလူများနှင့် အပြိုင် လုမယူနိုင်ခဲ့ပဲ ဖြစ်နေခဲ့တာကြောင့် ပီတာဆက်ခ်ျ ကာကွယ်မှု ခက်ခက်ခဲခဲ မပြုလုပ်ခဲ့ရချေ။ မွန်တာရေး အသင်းတွင် တောင်ပံ ကစားသမားများ ဖြစ်သည့် ဒယ်လ်ဂါဒိုနှင့် ကာဒိုဇို တို့ ပထမပိုင်းတွင် ခြေစွမ်း ပြခဲ့ပြီး ချဲလ်ဆီး ခံစစ်အစွန်လူများကို အချိန်ပြည့် ဖိအားပေးသွားနိုင် ခဲ့သည်။ ပွဲချိန် ပထမပိုင်း နောက်ဆုံးမိနစ် များတွင်လည်း မည်သည့် အသင်းမှ ဂိုးသွင်းခွင့် များများစားစား မဖန်တီးနိုင်ခဲ့ပဲ မွန်တာရေး အသင်းက ချေပဂိုး သွင်းယူနိုင်ရန် ကြိုးစားခဲ့သည့် ကြိုးစားမှု နှစ်ကြိမ်လောက်သာ ထူးခြားသည့် အခြေအနေမျိုး ဖြစ်ခဲ့သည်။

ပွဲချိန် ဒုတိယပိုင်း ပြန်လည် စတင်ချိန်တွင်တော့ တစ်ဂိုး ဦးဆောင်ထားသည့် ချဲလ်ဆီး အသင်းက ပွဲအစ (၃) မိနစ်တွင်ပင် နှစ်ဂိုး ဆက်တိုက် သွင်းယူခဲ့ပြီး ပွဲကို ထိန်းချုပ် နိုင်ခဲ့သည်။ (၄၆) မိနစ်တွင် ဟာဇတ်၏ ထိုးဖောက်မှုမှ တဆင့် တိုက်စစ်မှုး တောရက်စ် ရရှိသွားပြီး ကန်သွင်းခဲ့ရာတွင် မွန်တာရေး နောက်ခံလူနှင့် ထိခဲ့ပြီး လမ်းကြောင်းပြောင်း ဂိုးဝင် သွားခဲ့၍ ဂိုးသမား ကာကွယ်ရန် မစွမ်းနိုင်ခဲ့ချေ။ နောက်ထပ် (၂) မိနစ်အကြာတွင်လည်း တန်ပြန် တိုက်စစ်မှ တဆင့် တောရက်စ်၏ ပေးပို့မှုကို မာတာ ရယူခဲ့ပြီး အော်စကာအား ဂိုးသွင်းယူရန် ဖန်တီးပေးပို့ခဲ့ရာ မွန်တာရေး နောက်ခံလူ ကိုယ့်ဂိုးကိုယ် သွင်းယူမိ ခဲ့ခြင်း ဖြစ်သည်။ ပွဲချိန် ဒုတိယပိုင်းအစတွင်ပင် သုံးဂိုး ပြတ် ရှုံးနိမ့်သွားခဲ့တာကြောင့် မွန်တာရေး အသင်း ဖိအားများသွား ခဲ့ပြီး ပထမပိုင်း က ကဲ့သို့ ကစားပုံမျိုး မပြုလုပ်နိုင်တော့ချေ။

ပွဲချိန် မိနစ် (၆၀) မပြည့်ခင် မွန်တာရေး အသင်းမှ လူစားလဲမှု ပြုလုပ်ခဲ့သလို (၅) မိနစ် အကြာတွင်လည်း ချဲလ်ဆီး အသင်းမှ ကွင်းလယ်တွင် ဝင်ကစားနေသည့် လူးဝစ် အစား လမ်းပက် ဝင်ရောက် ကစားခဲ့သည်။ ချဲလ်ဆီး အသင်းသည် (၃) ဂိုးအထိ ဦးဆောင်ထားနိုင်ခဲ့၍ ပွဲကို ထိန်းချုပ်ခဲ့ပြီး တန်ပြန် တိုက်စစ်ဖြင့်သာ ဂိုးရယူရန် ကြိုးစား ခဲ့သည်။ မွန်တာရေး အသင်းအနေနှင့် ထိုးဖောက်မှုများ ပြုလုပ်နိုင်ခဲ့သော်လည်း ပီတာဆက်ခ်ျ ကို ဒုက္ခတွေ့စေမည့် ကန်သွင်းချက် မျိုး မပြုလုပ်နိုင်ခဲ့သောကြောင့် ချေပဂိုး ရယူရန် ရုန်းကန်ခဲ့ရသည်။ ပွဲချိန် နောက်ပိုင်း မိနစ် များတွင်လည်း ဂိုးပြတ် အနိုင် ရရှိနေသည့် ချဲလ်ဆီး အသင်းကပင် ထပ်မံ ဂိုးရယူနိုင်မည့် အခွင့်အရေးများ ဖန်တီးနိုင်ခဲ့ပြီး မွန်တာရေး အသင်း ကစားအား သိသိသာသာ ကျသွားခဲ့သည်။ ချဲလ်ဆီး သည် အနိုင်သေချာနေသည့် ရလဒ်ကြောင့် မာတာ၊ တောရက်စ် တို့ကို အနားပေးခဲ့ပြီး ဖရဲရားနှင့် မော့ဆက်စ် တို့ကို ထည့်သွင်းသွားခဲ့ပြီး ပွဲကို အဆုံးသတ်ရန် ကြိုးစား ခဲ့သည်။ အပိုဆောင်း မိနစ်တွင်မှ မွန်တာရေး တိုက်စစ်မှုး နီဂရစ်က နှစ်သိမ့်ချေပဂိုး သွင်းယူသွား ခဲ့သောကြောင့် ချဲလ်ဆီး အသင်း ၃ဂိုး တစ်ဂိုးဖြင့် အနိုင် ရရှိခဲ့သည်။